Lillitan nga Isiddukal i Baggim anna i Tanakuan

Nangusa si Jesus tu ilustrasion ira tapenu ituddu i kaserioso na mesiddukal onu na makesiddukal ta tanakuan.

18:6, 7

• Tukuyan na termino nga kesiddukallan i annangngua onu situasion nga kegafuan na pagangngua na tadday tu ari mepangngo, kesiddukal onu kataga ta moral, onu pagangngua tu liwa

• I tolay nga nakasiddukal ta tanakuan ay mas mapia nga mapalammag ta bebay nga mabesinan tu aggilingan nga batu i vullaw onu karalongna

18:8, 9, NW

• Sinabarangngan ni Jesus i disipulosna nga alsadda i maski anni nga kagitta na kabalor na lima onu mata nu makesiddukal yatun nira

• Mas mapia nga itabbo i kunnatun nga importante nga gannug tapenu makatallung ta Pappatulan na Dios anne tu pattalupaddianan yatun ngem mattuppal ta Gehenna, i simbolo na permanente nga kadaral

Anni awayyana nga mabbalin tu kesiddukallan ta pattolè, anna kunnasì malillitan nga mesiddukal i baggì onu i tanakuan?