Tuttulan si Jesus nga Egga Fustu nga Motibom

6:9-11, 25-27, 54, 66-69

Turi ta nangiyawa si Jesus tu ilustrasion nga ari malippawa na disipulos ira, nesiddukal i karuan anna ariadda ngana nevulu nisa. Tadday laman nga aggaw nige naw, milagro nga pinakan ira ni Jesus, nga mamakurug nga naggafu ta Dios i pakapangnguana. Ngatta gafu ta nesiddukal ira? Manawag nga makasarili i motiboda ta panuttul kani Jesus. Mevulu-vulu laman ira kani Jesus para ta material nga pammakapianadda.

Iyavu tam nakuan ta baggi tam: ‘Ngatta tuttulakku si Jesus? Megafu kari laman ta maddaggun anna mappange ira nga bendision? Onu megafu ta ayatakku si Jehova anna ikaya ku nga mapagayayya yayya?’

Ngatta posible nga mesiddukal ittam nu passerbiattam laman si Jehova megafu taw ira nga rason?

• Kakayà tam kavulu i ili na Dios

• Kayà tam mattolay ta Paraiso