Immugurannu i Pagatawanu

Serioso nga gannug kani Jehova i tabba ta pagatawa. Manakina nga massina i magatawa. (Mt 19:5, 6) Aru i magayayya nga magatawa ta ili na Dios. Ngem awan tu perfekto nga pagatawa. Magga egga ira i problema. Ari tam nakuan nga parigan i kukukuan na totolay nga nu makka-problema i pagatawada, massina onu maddiborsio ira. Kunnasi nga maimmuguran na magatawa ira nga Cristiano i pagatawada?

Yaw i lima nga importante nga makua na magatawa ira.

1. Immugurannu i futunu gukaban na pallilli ta pagalembong anna imoral ira nga dibersion nga mamakkafi laman ta pagatawanu.—Mt 5:28; 2Pe 2:14.

2. Paladdannu i relasionnu ta Dios anna mas paga nga ikagumannu nga magatawa nga mapagayayya yayya.—Sal 97:10.

3. Kanayunnu nga ibaruasi i bagu nga kata-katolay, anna mangngua tu simple ira nga gannug nga makaduffun ta kataggi-tadday.—Col 3:8-10, 12-14.

4. Kanayun nakuan nga marespeto anna makasta i komunikasionnu.—Col 4:6.

5. Iyawanu i annungannu ta atawanu nga navulunan tu aya.—1Co 7:3, 4; 10:24.

Nu ikakua na Cristiano ira i pagatawada, ikakuada gapa i Naggafuan na pagatawa, si Jehova.

GIRAWAN I VIDEO NGA MAWAG TU “PASIKANNAT-TAM I NONO TAM” TA PAREHA—TUTTULAN I REGLAMENTO IRA NA GAYAM, KABALINNA, TABBAGAN I TUMUNUG IRA NGA PAKKIAVU:

• 

  Maski makasta gapa i pamegafu na pagatawa, anni ira i awayyana nga luttuag nga problema?

• 

  Kunnasi nga makaduffun i prinsipio ira na Biblia ta magatawa ira nu matagenoda nga nallammin ngana i ayada ta kataggi-tadday?

• 

  Anni i reglamento ira ni Jehova ta pagatawa?

• Anni i mawag nga kuan na magatawa tapenu magayayya i pagatawada?