Usu-usammu Kari i Audio Bible?

Anni i audio Bible? Yaw yari recording na revised New World Translation. Sisinu yaw nga me-release ta aru nga lengguahe adde ta posible. I tadday ta makasta taw, madduruma nga boses i neyusa ta kada karakter na Biblia. Fustu ira nga uvovug i nepasigo anna nabibbig ta mepangngo nga emosion tapenu malippawa tam i kurug nga mensahe na Biblia.

Kunnasi nga nakaduffun i audio Bible ta karuan? Aru i nakkagi nga kakayà da i audio Bible ta nabbalin tu matotolay i Uvovug na Dios. Gafu ta madduruma nga boses i nosa ta kada karakter na Biblia, mas maimajin da i eksena ira anna mas malippawa da i netura ta Biblia. (Pr 4:5) Aru gapa i nakkagi nga nu mavuru-vurung ira, magginna ira ta audio Bible tapenu mabanna-bannayan ira.—Sal 94:19.

Posible nga daka-dakal i efekto na ta nittam nu maginna tam i kebibbig na Uvovug na Dios. (2Cr 34:19-21) Nu available i audio recording na interu nga Biblia onu na karuan nga parte na ta lengguahe nga malippawa mu, awayyam kari nga ilavu ta iskediul mu i regular nga pagginna tatun?

GIRAWAN I VIDEO NGA NU KUNNASI NAKUA I AUDIO BIBLE—EXCERPT, KABALIN NA, TABBAGAN YAW NGA PAKKIAVU:

Anni i nagustuammu ta proseso nu kunnasi nga nakua i audio Bible?