PARTE 4

Nagginna Ira Kani Satanas—Anni Ira Resulta Na?

Natay da Adan anna Eva gafu ta ariadda nagginna ta Dios. Genesis 3:6, 23

Kinnan ni Eva i negamma nga vunga anna nangiyawa gapa kani Adan

Nagginna si Eva ta iraw—kiminang yayya ta vunga na kayu. Kabalinna, iniddanna si Adan anna kiminang gapa yayya.

Pinanawan da Adan anna Eva i Paraiso nga paddianadda

Nakaliwa ira. Megafu taw, pinapanaw ira na Dios ta paddidianadda nga Paraiso.

Nallakay anna nabbako da Adan anna Eva tapus natay

Nazziga i pattolayda kunne gapa ta ana da. Nabbako anna nallakay i magatawa adde ta natay ira. Awang tu espiritu nga nesina ta baggi da. Awang ngana ira.

I natay ira ay kagitta na gavu nga awang tu inango da. Salmo 104:29

Totolay nga nadduruma nga kulturada anna ta nadduruma nga tiempo

Matay ittam gafu ta naggafu tam ngamin kada Adan anna Eva. Ari ngana makasingan, makaginna, makanono onu makangngua tu maski anni i natay ira.—Salmo 146:4.

Natay i babay tapus marraddam i familiana

Ari nga gakkag ni Jehova tu matay i totolay. Aranni noka nga paginnolayan na danuri natay. Nu magginna ira ta Dios, mattolay ira noka tu mannanayun.