LEKSION 12

Aya Anna Empatia

1 Tesalonica 2:7, 8

SUMARIO: Ipasingan ta maggigginna nga iddeddukammu ira anna kayà mu ira uffunan.

Sigga-nono ka nakuan ta maggigginna. Ipreparam i futum gukaban na pannono ta problema nga ara-arubangadda anna ta mataga-tagenoda.
Pilian tu mapia i uvovug ira nga usammu. Marefreskowan, mabannayan, anna mapasikan nakuan i maggigginna. Ariammu usan i termino ira nga posible nga makataki nira, anna ari makkagi tu negatibo meyannung ta ari ira kapangngurug onu meyannung ta kuru-kurugadda.
Ipasingan i interes mu. Ipatageno ta maggigginna nga talaga ikavurungammu ira gukaban na masippo nga paguvovug anna mepangngo nga pakkumpas. Sigga-nono ka nakuan ta ekspresion ira na muka mu; sigga-galo ka nakuan.

Ariammu fuersan onu sossobran i emosion. Ta pabbibbig mu, palawanammu i mepangngo nga panageno, ngem ariammu idirekta i ari kawagan nga atension ta baggim. Masippo anna meddu nakuan i paguvovug mu.