Natural

Prinsipio: “I uvovug nga nekagi ta mepangngo nga tiempo—anni mabba kasta na!”—Prov. 15:23.

I Kingngua ni Felipe

Kikkibbidan ni Felipe nga evanghelisador i lalaki nga taga-Etiopia nga agga-itubang ta karuahe durante nga mabbibbig tu naluku nga pabbibbigan.

VIDEO: Layyagayyan ni Felipe i Ofisial nga Taga-Etiopia

1. Girawan i VIDEO, onu bibbigan i Kingngua 8:30, 31. Kabalin na, paguruvovugan i tumunug ira nga pakkiavu:

Kunnasi nga nigafu ni Felipe i pakiyuvovug?
Ngatta natural yatun nga pangigafu tu pakiyuvovug nige na nga tudduan tu bagu nga gannug i lalaki?

Anni i Magigiammu Tam Kani Felipe?

2. Nu natural i pakibbida tam anna gitta na makistoria laman, mas nga mabbalin tu komfortable i tolay nga makibbida anna mas magginna ta mensahe tam.

Parigan si Felipe

3. Magobserba. Dakal i meyuffun na pagobserba ta ekspresion na muka anna guyu na tolay. Kayà na kari i makibbida? Awayyam igafu i pakiyuvovug meyannung ta Biblia. Iyavu mu, “Ammum kari nga . . . ?” Ariammu nakuan ipilit i makiyuvovug ta tolay nu manaki na i makibbida.

4. Mappasensia. Ariammu nakuan nonopan nga mawag nga ikagim insigida i kinakurug nga egga ta Biblia. Maginnag ta mepangngo nga tiempo tapenu mekagim yatun tu mas natural. Nu karuan, baka mas makasta nga ikagim yatun ta tumunug nga pabbida nu.

5. Makibagay. Baka egga i ikagi na tolay nga ariammu ekspektan. Yari tu sigga-paran ka nakuan nga mangibillay tu kinakurug ta Biblia nga makoffun ta tolay, maski nu ari tu yatun i nipreparam.

INNAN GAPA I

Ecl. 3:1, 7; 1 Cor. 9:22; 2 Cor. 2:17; Col. 4:6