Espesial nga Kampania Para ta Pangipalima ta Passifusifutan ta Setiembre

Kawagan na totolay ta interu mundo i banna-bannay. (Ec 4:1) Ta interu vulan na Setiembre, mappursigi tam nga ipalima i Passifusifutan, nga i topikona ay meyannung ta banna-bannay. Mepalima nakuan yaw nga magazina ta aru nga totolay. Kayà tam nga iyarubang tu direkta ta totolay i makapabannay nga mensahe tam, yari tu ariattam gafu ibattang i magazina ta babalay nga awan tu tolena.

NU ANNI I KAGIAMMU

“Egga ira tiempo nga mawag tam i banna-bannay. Ngem sitaw tam malegan yatun? [Bibbigan i 2 Corinto 1:3, 4.] Mabibbig taw nga isyu na Passifusifutan nu kunnasi ittam banna-bannayan na Dios.”

Nu nangipasingan tu interes i tolay anna inalawana i magazina, . . .

▸ IPAGIRAW I VIDEO NGA NGATTA GIGIAMMUAMMU I BIBLIA?

Kabalinna, iyavu nu kayàna i maggigiammu tu Biblia.

▸ MAGANGNGUA TU FUNDASION PARA TA PANOLI ULI

Mangibattang tu pakkiavu nga tabbagammu sonu manoli ka, gitta na “Ngatta ipamavulun na Dios i ziga-riga?”