Nu Kunnasi Mangiyawa tu Makasta nga Komento

Pasikannan na makasta ira nga komento i kongregasion. (Ro 14:19) Mabenefisiowanna gapa danuri makkomento. (Pr 15:23, 28) Mappursigi tam nakuan gafu nga makkomento maski tadday laman kada study. Siempre, ariattam nga magalan kada mangiyoddu tam tu lima. Yari tu mas makasta nga mapprepara ittam tu piga ira nga komento.

I makasta nga komento ay . . .

• simple, manawag, anna ababba. Gagangay yatun nga meyawa tu 30 segundo onu mas ababba

• mas makasta nu ikagim ta sarilim nga uvovug

• ari tu pakkagi uli ta nekomento ngana

Nu sikaw i ollu nga nagalan, . . .

• mangiyawa tu simple anna direkta nga tabbag ta pakkiavu

Nu natabbag ngana i pakkiavu, awayyam . . .

• ipasingan nu anni i koneksion na nepay nga teksto ta punto nga mapaguruvovugan

• kagian nu kunnasi makafekto yatun ta pattoletam

• ipakanawag nu kunnasi meyusa i informasion

• makkagi tu ababba nga ekspiriensa nga mamalawan ta pinakapunto