Alawatan ira tu Mapia

Sinni i alawatattam tu mapia? I maski sinni nga magatende ta Cristiano nga paggarammammung tam—bagu ira nga nagatende anna nabayag ngana nga kokkofuttam. (Ro 15:7; Heb 13:2) Awayyana tu kapangngurug tam nga naggafu ta tanakuan nga nasion onu tadday nga inaktibo nga nagatende mana ta unag na aru nga dagun. Nonopammu nu kunnasi i panagenomu ta kunnatun nga situasion. Ariammu kari maappresia i mapia nga pangalawa? (Mt 7:12) Ngatta ta ariammu mappursigi nga arannian i tanakuan ira ta Kingdom Hall nige anna kabalin na study? Makoffun yaw ta mapia anna meddu nga pattaradday anna mangiyawa tu dayaw kani Jehova. (Mt 5:16) Siempre, ari tu posible nga maka-uvovugmu i ngamin. Ngem matageno na ngamin nga malawa ira nu kuattam i parte tam.a

Mepasingan i kurug nga pamadulo ari laman ta espesial ira nga okasion gitta na Memorial, nu ari ta ngamin nga tiempo. Nu masingan anna matageno na bagu ira nga nagatende i Cristiano nga aya, awayyana tu mapaguyu ira nga dayawan i Dios anna makikavulu nittam ta kurug nga paddayarayaw.​—Jn 13:35.