Anni Tamma i Nonopan ni Jehova?

Nige tam magangngua tu madammo onu simple ira nga desision, iyavu tam kari ta baggi tam, ‘Anni tamma i nonopan ni Jehova?’ Maski nu ariattam vuluvuga nga makannammuan i ngamin nga egga ta nono ni Jehova, makalanno ngana i kinagina ta Biblia tapenu makua tam i “ngamin nga mapia.” (2Ti 3:16, 17; Ro 11:33, 34) Nalippawa tu mapia ni Jesus i uray ni Jehova anna yatun i prayoridadna ta pattolena. (Jn 4:34) Kagitta ni Jesus, kuattam nakuan i ngamin tapenu makangngua tam tu desision ira nga mamagayayya kani Jehova.​—Jn 8:28, 29; Ef 5:15-17.

GIRAWAN I VIDEO NGA KANAYUN NGA ALIPPAWATAN I URAY NI JEHOVA (LE 19:18), KABALINNA, TABBAGAN I TUMUNUG IRA NGA PAKKIAVU:

• Ngatta mawag tu iyaplika tam i prinsipio ira na Biblia ta pattoletam?

• Anni nakuan nga prinsipio ira na Biblia i manginfluwensia ta pappili tam tu musika?

• Anni nakuan nga prinsipio ira na Biblia i manginfluwensia ta assinnun anna itchura tam?

• Anni paga ira nga aspeto na pattoletam nga mawag tu iyaplika tam i prinsipio ira na Biblia?

• Kunnasi ittam paga nga mapprogreso ta abilidad tam nga malippawa i uray ni Jehova?