MATTOLAY NGA CRISTIANO

Iddukan ni Jehova i Marenu nga Totolay

“Baggawammu i limam. Mappakarenu ka. Itabbo mu i basura.” Aru nga magana i manuddu ta ánada nu kunnasi mabbalin tu marenu ta pisikal. I kurug, naggafu ta masanto nga Dios tam i prinsipio ira ta kinarenu. (Ex 30:18-20; De 23:14; 2Co 7:1) Nu kanayun nga marenu i baggi anna gamit tam ira, medayaw tam si Jehova. (1Pe 1:14-16) Kumusta gapa i balay anna i pallefattam? Ari tu kagitta na totolay nga mangitabbo tu basura ta dalan anna parke ira, kuan na Cristiano ira i adde na awayyada tapenu kanayun nga marenu i planeta nga davvun. (Sal 115:16; Nep 11:18) Masingan i pagimamma tam ta kinarenu maski ta simple ira nga gannug kagitta na pangitabbo tu upà na kendi, lata na softdrinks, onu bubble gum. Ta ngamin nga kukukuattam, ikaya tam nga ‘ipasingan tu doroban ittam na Dios.’—2Co 6:3, 4.

GIRAWAN I VIDEO NGA IDDUKAN NA DIOS I MARENU NGA TOTOLAY, KABALINNA, TABBAGAN I TUMUNUG IRA NGA PAKKIAVU:

Anni i posible nga ipambar na karuan nu ngatta ari nga marenu i gamitda ira?
Kunnasi nga ipasingan na Mosaiko nga Dob i pagimamma ni Jehova ta kinarenu?
Kunnasi tam medayaw si Jehova maski awan tu kagiattam?

Mattakay i yama ta maritta nga kotse na anana; paguvovugan na mattama i estandarte ni Jehova ta kinarenu; dua nga pari ta Israel tagga ta biko na bronse nga palanggana nga pabbaggawan; nakkazza i wawwaragi ta marenu ngana nga kotse na anana — Kunnasì mepasingan ta pattolè i pagimamma ni Jehova ta kinarenu?