‘Sinillung na Davvun i Danum’

Ta nadduruma nga tiempo ta nappasa, namippiga ngana nga zinuffunan na sekular ira nga autoridad i ili ni Jehova. (Ezr 6:1-12; Es 8:10-13) Maski ta moderno nga tiempo, masingattam i “davvun”—totolay onu grupo ira ta mundo nga egga pakawayyana anna patas​—nga sinillungna i gittana “danum” na pameppersigi nga nigafu na “dragon” nga si Satanas nga Diablo. (Nep 12:16) Puede nga paguyuan ni Jehova, i “Dios nga minammaliag,” i egga ira autoridadna tapenu duffunan i totolena.​—Sal 68:20; Pr 21:1.

Ngem kunnasi nu nefuku ka megafu ta pangurug mu? Ariammu vuluvuga paddudan nga tattangngallan naka ni Jehova. (Ge 39:21-23; Sal 105:17-20) Makasiguradu ka nga mabala-balakkan i pangurug mu anna makapasikan ta wawwaragi ta interu mundo i integridad mu.​—Fil 1:12-14; Nep 2:10.

GIRAWAN I VIDEO NGA NAPALAWAN TA AFFUKUTAN I BROTHER IRA TA KOREA, KABALINNA, TABBAGAN I TUMUNUG IRA NGA PAKKIAVU:

• Ngatta rinivu nga brother tam ta South Korea i nefuku ta nappasa ira nga dagun?

• Anni ira nga desision ta korte i makagafu nu ngatta mabi nga napalawan ta affukutan i karuan ta wawwaragi tam?

• Kunnasi tam maduffunan i wawwaragi tam ta interu mundo nga agga-fuku megafu ta pangurugda?

• Kunnasi tam nakuan usan i kapalubbang nga egga nittam sangawe?

• Sinni talaga i egga ta likug na ngamin nga pangaffu tam ta korte?