Iyawa Mu Kari i Tiempo Anna Sikammu?

Kagitta na niprofesiya ni Isaias, dumaka-dakal i organisasion ni Jehova ta davvun. (Isa 54:2) Gafu taw, mawag tam i bagu ira nga Kingdom Hall, Assembly Hall, anna fasilidad ira na branch. Kabalin nga mepataddag danaw, mawag nga mamentena anna mawag gapa nga mapakappian i karuan. Kunnasi nga mabbalin yaw tu oportunidad tapenu meyawa tam i tiempo anna sikattam kani Jehova?

• Awayya tam manuffun nu naka-iskediul i grupo tam ta pappakarenu ta Kingdom Hall

• Awayya tam mabboluntariu nga matudduan para ta pammentena ta Kingdom Hall tam

• Awayya tam maffill-up tu Local Design/​Construction Volunteer Application (DC-50) tapenu makaduffun ittam saggi-mittan ta proyekto ira nga konstruksion anna pammentena nga aranni ta lugar tam

• Awayya tam maffill-up tu Application for Volunteer Program (A-19) tapenu makapabboluntariu ittam nga manuffun ta unag na tanga-ligguan onu maturu paga ta teritoria na panga​—ta Bethel onu ta tanakuan paga nga fasilidad na panga

GIRAWAN I VIDEO NGA PLANO PARA TA KONSTRUKSION NA BAGU NGA FASILIDAD—EXCERPT, KABALINNA, TABBAGAN I TUMUNUG IRA NGA PAKKIAVU:

• Namegafu ta 2014, kunnasi nga mas minaru i usu-usattam ira nga video?

• Tapenu mapadday i video ira nga mawag tam para ta paddayaw, anni nga proyekto i nakaplano, anna anni i naka-iskediul nga pamegafu anna kabalinna?

• Kunnasi nga makaduffun i boluntariu ira taw nga proyekto?

• Nu ikaya tam nga manuffun ta konstruksion ta Ramapo, ngatta maffill-up tam nakuan tu application form (DC-50) anna manuffun ittam ta proyekto ira na Local Design/Construction nga aranni ta lugar tam?

• Anni i ebidensia nga igigiya ni Jehova yaw nga proyekto?

• Kunnasi tam masuportan yaw nga proyekto maski nu ari tam makaduffun tu personal ta konstruksion?