MINAS TA UVOVUG NA DIOS | LEVITICO 4-5

Iyawa Mu i Kapianan Kani Jehova

5:5-7, 11

Ta Israel, ari tu rason i pabbalin tu pobre tapenu ari ira nga makipammapia kani Jehova. Makeyawa tu mepangngo nga tavvung kani Jehova maski i pinakapobre ira nga Israelita, nu laman yatun i kapianan. Awayyada i mangitavvung tu arina, ngem ekspektan ni Jehova nga “makasta” i klasena nga kagitta na meserbi ta importante ira nga bisita. (Ge 18:6) Sangawe, akseptan ni Jehova i kapianan nga “sakrifisio na paddaya-rayaw” tam maski limitadu laman i meyawa tam gafu ta sirkumstansia tam.—Heb 13:15.

Kunnasi ka mapasikan naw nu ariammu ngana makua i dati nga maka-makuam gafu ta taki onu makafi ka ngana?

Letratu Ira: Kukukuan na dua nga sister i kapianan nga ‘sakrifisio na paddaya-rayaw’ da para kani Jehova. 1. Layyagayyan na sister nga masserbi ta foreign-language field i babay ta palengke. 2. Mamadday tu tura i bako nga sister ta balena.