Sitaw ka ngana ta dalan nga mappange ta bawtismo?
MATTOLAY NGA CRISTIANO
Piliammu nga Passerbian si Jehova
Nu abbing ka paga nga unbaptized publisher onu Bible study, planom kari nga mappabawtismo? Ngatta ikaya mu i mappabawtismo? Nu dedikadu anna bawtisadu i tadday, espesial i relasionna kani Jehova. (Sal 91:1) Mattuppal gapa danatun ta kapaliag. (1Pe 3:21) Kunnasim nga makua danatun?
Pakurugammu ta baggim nga yaw i kurug. Mar-research ka nu egga ira i pakkiavu mu. (Ro 12:2) Innammu i mawag ira nga uliammu, anna kuammu yatun gafu ta kayà mu nga mapagayayya si Jehova. (Pr 27:11; Ef 4:23, 24) Kanayummu nga kiddawan i uffunna. Makasiguradu ka nga pasikannan anna suportan naka ni Jehova gukaban na makapangngua nga masanto nga espirituna. (1Pe 5:10, 11) Ari tu sayang i pappursigim. I passerbi kani Jehova i kapianan nga klase na pattolay!—Sal 16:11.
GIRAWAN I VIDEO NGA I DALAN NGA MAPPANGE TA BAWTISMO, KABALINNA, TABBAGAN I TUMUNUG IRA NGA PAKKIAVU:
Anni i mariga ira nga situasion na karuan nige ira nga nappabawtismo?
Kunnasim mapasikan i pangurug mu tapenu mededikam i baggim kani Jehova?
Anni i namaguyu ta karuan tapenu kuadda i kawagan ira tapenu makualipika ira ta bawtismo?
Kunnasi nga bebbendisionan ni Jehova danuri pinilida i masserbi nisa?
Anni i kayà kagian na dedikasion anna bawtismo?