Disiplina—Pangipasingan ni Jehova ta Ayana

Primeru ngana nga tukuyan na disiplina i instruksion anna panuddu, ngem tumukoy gapa yaw ta pangitunung anna pangastigo. Disiplinan ittam ni Jehova tapenu alawatanna i paddayaw tam nisa. (Ro 12:1; Heb 12:10, 11) Nu mittan, mataki i madisiplina, ngem marresulta yatun ta matunung nga pattolay anna bendision. (Pr 10:7) Anni nakuan i tandaanattam nu manisiplina ittam onu nu madisiplina ittam?

I manisiplina. Masippo anna minaggiddu nakuan kagitta ni Jehova i elder, i magana, anna i karuan paga ira nga mangiyawa tu disiplina. (Jer 46:28) Maski paga madammo i disiplina, meyawa nakuan yatun segun ta situasion anna megafu ta aya.​—Tit 1:13.

I madisiplina. Anni laman nga disiplina i malawa tam, ariattam nakuan nga panakitan, nu ari, tuttulattam insigida. (Pr 3:11, 12) Gafu ta imperfekto ittam, kawagattam ngamin i nadduruma nga klase na disiplina. Awayya ittam nga disiplinan na mabibbibbig tam ta Biblia onu na magigginna tam ta study ira na kongregasion. Kawagan gapa na karuan i madisiplina na judicial committee. Nu ginnattam i disiplina, makkasta i pattoletam anna mattolay ittam tu mannanayun.​—Pr 10:17.

GIRAWAN I VIDEO NGA ‘DISIPLINAN NA YAFU NGA JEHOVA I AYATANNA IRA,’ KABALINNA, TABBAGAN I TUMUNUG IRA NGA PAKKIAVU:

• 

  Kunnasi i pattolay ni Canon ta kabbinna, ngem kunnasi nga nanguli yatun?

• 

  Anni nga naaya nga disiplina i nalawana kani Jehova?

• 

  Anni i magigiammu tam ta ekspiriensana?