Sanayan Nu Kanayun i Pakalippawa Nu

Mawag nga kanayun nga massanay i tadday nga atleta tapenu mabbalin yayya tu malalaki. Mawag gapa nga kana-kanayuttam nga kuan i ngamin tapenu sanayan i pakalippawa tam. (Heb 5:14) Maski nu egga tendensia tam nga parigan ngana laman i desision na tanakuan, mawag nga masanay ittam nga mannono anna maddesision para ta baggi tam. Ta ngatta? Egga i tattabbagan na kada tadday ta nittam ta kukukuattam ira nga desision.​—Ro 14:12.

Ari tam nakuan nga nonopan nga makangngua ittam tu makasta ira nga desision megafu laman ta nabayag ittam ngana nga bawtisadu. Tapenu makapaddesision ittam tu makasta, mawag nga mattalo ittam tu mapia kani Jehova, ta Uvovug na, anna ta organisasion na.​—Jos 1:7, 8; Pr 3:5, 6; Mt 24:45.

GIRAWAN I VIDEO NGA MAWAG TU “KANAYUN NGA MARENU I KONSENSIA NU,” KABALIN NA, TABBAGAN I TUMUNUG IRA NGA PAKKIAVU:

• 

  Anni i mawag nga desisionan ni Emma?

• 

  Ngatta ari tam nakuan nga makkagi tu sarili tam nga opinion ta gannug ira nga nakadepende lagapa ta konsensia?

• 

  Anni i makasta nga nitabarang na tadday nga magatawa kani Emma?

• 

  Sitaw nga nakaleg si Emma tu informasion ira nga nakaduffun ta situasion na?