I Magigiammu Tam ta Pattolay ni Samuel

Matalo si Samuel kani Jehova ta interu pattolena. Ta kabbinna, ari na pinarigan i marake nga kukukuan na ána ni Eli nga da Hofni dua ni Finehas. (1Sm 2:22-26) Ari nga pinanawan ni Jehova si Samuel adde ta paddakal na. (1Sm 3:19) Ta pallakay na, matalo lapa yayya nga massesserbi kani Jehova, maski ari tu kunnatun i ána na.​—1Sm 8:1-5.

Anni i matudduattam ta ehemplo ni Samuel? Sikamu nga abbing, mattalo kamu nga malippawa ni Jehova i mepaparubang nikamu anna i mataga-tageno nu. Uffunan nakamu tapenu maggutu kamu. (Isa 41:10, 13) Sikamu nga magana, nu narrebelde i ana nu kani Jehova, nonopan nu nga maski gapa si Samuel ay ari na finuersa i ána na nga tuttulan i estandarte ira ni Jehova. Nitalo na yatun kani Jehova. Sigga-matalo lapa yayya yari tu napagayayya na i nelangitan nga Yama na, si Jehova. Awayya na nga manoli kani Jehova i ana nu megafu ta makasta nga ehemplo nu.

GIRAWAN I VIDEO NGA MAKAGIGIAMMU ITTAM TA NIRA—SAMUEL, KABALIN NA, TABBAGAN I TUMUNUG IRA NGA PAKKIAVU:

• 

  Kunnasi nga nipasingan ni Samuel i gutu ta kabbinna?

• 

  Kunnasi nga nangipasingan si Danny tu gutu?

• 

  Kunnasi nga nangipasingan tu makasta nga ehemplo si Samuel tagga ta lakay ngana yayya?

• 

  Kunnasi nga nangipasingan tu makasta nga ehemplo i magana ni Danny?