Sinni i Friends Mu ira ta Online?

I tadday nga kofun ay “madukko ta kasittolena megafu ta aya onu pattagibalor.” Angngarigan na, naddukko si Jonatan anna si David turi ta napatay ni David si Goliat. (1Sm 18:1) Egga ira i ugali da nga nagustuadda ta kataggi-tadday. Maddukko gafu i makkofun nu ammammu da tu mapia i kataggi-tadday. Mawag i tiempo anna pappursigi tapenu makilalam i tadday nga tolay. Ngem ta social network, mabbalin ngana tu “friends” i totolay ta tadday laman nga pindut. Ta online, alistu laman ta totolay i magappa-appe ta makontrol da i kakkagiadda anna i paningan na totolay ta nira. Piliammu gafu tu mapia i friends mu ira ta online. Ariammu mappasirang nga i-reject i friend request na ariammu mabba ammammu ta maganassing ka nga matakitan yayya. Ari gapa nga mangusa tu social network i karuan megafu ta posible ira nga peligro. Ngem nu egga i social network mu, anni nakuan i agga-nono mu?

GIRAWAN I VIDEO NGA MAGIMMUGUG TA PANGUSA TU SOCIAL NETWORK, KABALIN NA, TABBAGAN I TUMUNUG IRA NGA PAKKIAVU:

• 

  Anni nakuan i nonopammu nige mu mac-comment anna mangi-post tu picture?

• 

  Ngatta piliammu nakuan tu mapia i friends mu ira ta online?

• 

  Ngatta mangi-set ka nakuan tu limit ta oras nga usa-usammu ta social network?​—Ef 5:15, 16