Usammu ta Ministeriom i Maddaggun ira nga Mesissimmu

Ta ministerio ni Jesus, inusa na i maddaggun ira nga mesissimmu tapenu manuddu tu leksion. (Lu 13:1-5) Awayyam gapa usan i maddaggun ira nga mesissimmu tapenu maginteres i totolay ta mensahe na Pappatulan. Angngarigan na, nu nakagim ngana i meyannung ta ziga na pattolay, kalamidad, gulu ta lugar nu, pakka-adik ta droga, onu karuan paga, makkiavu ka tapenu mannono ira. Awayyam iyavu: “Mawawan paga tamma i . . . ?” onu “Anni tamma i solusion ta . . . ?” Tapus mangibibbig ka tu teksto nga konektadu ta topiko. Nu interesadu i tolay, mangipasingakka tu video onu publikasion ta Teaching Toolbox tam. Ta pangikagumattam nga mala i interes na totolay ta teritoria tam, paray tu ‘kuattam i ngamin megafu ta evanghelio.’​—1Co 9:22, 23.

Anni ira nga topiko i paginteresan na totolay ta teritoria nu?