Mappayunir

Nu egga i goal tam ira ta espiritual, meyusa tam ta kapianan i sikattam. (1Co 9:26) Meyusa tam gapa tu mapia i nabattang nga tiempo nige na panuppalan naw nga sistema. (Ef 5:15, 16) Ta family worship nu, awayya nu i mas-set tu goal ira para ta mappange nga dagun serbisiu. Taw nga isyu na workbook ta study, egga ira i artikulo nga mangipasingan ta madduruma nga goal nga awayyam nga pannonopan anna ipakimallo.​—San 1:5.

Angngarigan na, awayya nu kari i maddurudduffun ta familia nu tapenu makapar-regular payunir i maski tadday ta nikamu? Nu ari ka siguradu nu magawa mu i mekiddaw nga oras, makkiavu ka ta payunir ira nga kaparehum tu situasion. (Pr 15:22) Awayya nu gapa i maginterviu tu payunir ta family worship nu. Tapus itura mu i posible nga iskediul mu. Nu dati ka nga payunir, nonopammu nu ipamavulun ngana na situasiommu nga makapappayunir ka uli.

Makapa-auxiliary payunir kari i karuan ta familia nu tu tadday onu ta piga nga vulan? Nu makafi i baggim, awayyam lapa i makapa-auxiliary payunir nu mamministerio ka maski piga oras laman ta kada aggaw. Nu ari ka regular nga makapamministerio ta midweek megafu ta full-time i trabahum onu magiskuela ka, mappili ka tu vulan nga egga i holiday na onu lima nga weekend na. Markammu ta kalendariu nu kanni ka nga ma-auxiliary payunir anna itura mu i iskediul mu.​—Pr 21:5.

GIRAWAN I VIDEO NGA MABBALIN TU MAGUTU NGA . . . PAYUNIR, KABALIN NA, TABBAGAN YAW NGA PAKKIAVU:

• Anni i magigiammu tam ta ekspiriensa ni Sister Aamand meyannung ta pagiddu anna panangngaw ni Jehova turi ira ta massassakrifisio tapenu makapappayunir?