Nu Kunnasi Usan i Sampol ira nga Pakiyuvovug

Neprepara tu mapia i sampol ira nga pakiyuvovug, anna aru nga publisher i nakkagi nga efektibo danatun ta teritoria da. Ngem megafu ta madduruma i situasion ta interu mundo, puede nga mangusa i publisher ira ta ministerio da tu tanakuan nga pakkiavu, teksto, mebattang nga pakkiavu, onu maski topiko nga paginteresan na totolay. Ngem nu espesial nga kampania, mawag nga tuttulan na ngamin i instruksion ira para tatun. Gakkag tam nga ituppal i bilin ni Jesus nga ilayyagayya i mapia nga dumug na Pappatulan.​—Mt 24:14.

Ta pangitaddag na estudiante ira ta asayment da, mawag nga usadda i topiko na sampol nga pakiyuvovug ta Workbook ta Study nga Pattolay Anna Ministerio (angngarigan na, ta Hulio anna Agosto, i topiko ay Gakkag na Dios). Ngem puede ira nga mappili tu tanakuan nga pakkiavu, teksto, mebattang nga pakkiavu, onu setting nga efektibo ta teritoria, fuera ngana laman nu espesipiko ta instruksion nga usadda i egga ta sampol nga pakiyuvovug. Talianan natun i instruksion nga nakagi ta pahina 8 na Hunio 2020 nga workbook ta study.