Mapprepara Ngana Sangawe Para ta Medical Emergency

Ngatta mawag nga mapprepara ittam? Awayya na nga gavva nga meyospital ittam onu meparubang ittam ta medical emergency. Mapprepara ka ngana gafu sangawe nige paga na emergency tapenu malawa mu i de-kalidad nga serbisiu ta medikal nga posible. Nu kunna, mepasingammu nga tagibalorammu i inango anna i dob ni Jehova meyannung ta daga.​—King 15:28, 29.

Anni ira i ipreparam?

• Pannonopammu tu mapia anna ipakimallo mu nige mu nga maf-fill out tu durable power of attorney (DPA) card.a Awayya na makkiddaw na bawtisadu ira nga publisher tu DPA card da ta literature servant tapus Identity Card (ic) gapa para ta menor-de-edad nga ána da

• Nu mavussi ka, makkiddaw ka ta elder nu tu kopia na Informasion Para ta Navussi Ira (S-401). Makoffun yatun nga dokumento tapenu makangngua ka tu makasta ira nga desision meyannung ta medikal ta pavvussi mu anna sonu magana ka

• Nu mawag mu i mappa-test, mappa-opera, onu mappa-confine ta hospital, datim ngana nga ipakannammu ta elder nu ira anna ikagim ta hospital nga puede ka mabisita na tadday ta ministro na Saksi ira ni Jehova

Anni i meyuffun na elder ira? Moffunaddaka ta paf-fill out mu ta DPA card. Ngem ari tu i elder ira i maddesision para niko anna ari gapa ira nga makkagi tu personal nga opiniodda ta gannug ira nga siko lagapa i maddesision. (Ro 14:12; Gal 6:5) Nu kagiammu ta elder nu ira nga mapporu ka nga posible nga meyusa i daga, kontakadda insigida i Hospital Liaison Committee (HLC) para niko.

Anni i meyuffun na HLC? Danuri wawwaragi nga massesserbi ta HLC ay nasanay tapenu duffunan i mattrabahu ira ta medikal anna legal nga malippawa da i taddag na relihiottam meyannung ta daga. Awayya da nga iyesplika ta doktor mu i klase ira na panguru nga ari nga mawag i pappatubbo tu daga. Nu kawagan, duffunaddaka nga makaleg tu doktor nga makalippawa ta taddag tam.

GIRAWAN I VIDEO NGA NU KUNNASI MAPPILI TU KLASE NA PANGURU NGA MEYUSA I DAGA, KABALIN NA, TABBAGAN I TUMUNUG NGA PAKKIAVU:

• Anni i nagigiammum taw nga video ta pappreparam para ta medical emergency nga meyusa i daga?

  textarea-1