Mas-set Ka tu Goal Para ta Tiempo na Memorial

Kada ragun, iinnaggan na ili ni Jehova nga makkaravulu ira ta passelebra ta Memorial. Ta ligguan ira nige anna kabalin na Memorial, approbetchattam i espesial ira nga oportunidad tapenu dayawan si Jehova anna mappabalo ta nisa ta regalu na nga tavvu. (Ef 1:3, 7) Angngarigan na, kuattam i ngamin tapenu imbitan i totolay ta Memorial. Ayusan na karuan i iskediul da tapenu makapa-auxiliary pioneer ira tu 30 onu 50 nga oras ta vulan na Marso onu Abril. Ikaya mu kari nga mas aru paga i makuam ta ministerio sonu tiempo na Memorial? Kunnasim nga makua yatun?

Gagangay ngana nga mas aru i makua tam nu dati ittam nga mapplano. (Pr 21:5) Megafu ta araranni ngana i tiempo na Memorial, mapplano ittam ngana sangawe. Nonopammu nu kunnasim nga mapalawa i ministeriom ta tiempo na Memorial, anna iplanom nu kunnasim nga makua yatun. Kabalin na, ikiddom kani Jehova nga bendisionan na i planom.​—1Jn 5:14, 15.

Anni paga ira i makuam tapenu mapalawam i ministeriom ta tiempo na Memorial?