Innammu Nu Anni i Magigiammum ta Picture Ira

Aru i picture na publikasiottam ira anna aru i magigiammu tam tatun. Kunnasi ka gafu makagigiammu ta picture ira?

• Innammu labbi i picture nige mu bibbigan i artikulo. Angngarigan na, nu makasingakka tu masingngo nga makan ta piggang, magga excited ka nga kanan yatun. Makoffun gapa i picture ira tapenu maginteres ka nga bibbigan i artikulo. Yari ta iyavu mu ta baggim, ‘Anni kari i masingakku?’—Amos 7:​7, 8.

• Habang bibbigammu i artikulo, nonopammu nu ngatta neyusa i picture. Bibbigammu i caption onu i deskripsion ira na letratu. Nonopammu gapa nu anni i koneksion na picture ta topiko na artikulo anna nu kunnasim meyaplika yatun.

• Kabalimmu bibbigan i artikulo, innammu uli i picture anna usammu yatun tapenu manono mu i punto ira. Tapus makkiddam ka anna imajinammu i picture ira anna i nagigiammum ira tatun.

• Puruebammu nga innan uli i picture ira taw nga magazina anna innammu nu manono mu paga i punto ira nga nagigiammum.