PARTE 8

Anni i Pammakapian nga Mala Mu ta Patay ni Jesus?

Niyawa ni Jesus i inango na tapenu mattolay ittam. Juan 3:16

Innan na babay i awan tu naddianna nga naketanamman ni Jesus

Nappasa i tallu nga aggaw ta patay ni Jesus, egga i nabbisita nga babbay ta niketanamman na. Ngem nasingadda tu awang ngana tu lugan na. Pinaginnolay ni Jehova si Jesus.

Nappasingan si Jesus ta apostolesna, tapus nappalangi

Ari nga nabbayag, nappasingan si Jesus ta apostoles na ira.

Fustu tu pinaginnolay ngana ni Jehova si Jesus tapenu mabbalin tu makapangngua anna imortal nga espiritu. Nasingan yayya na disipulo na ira nga nappa-utung ta langi.

Pinaginnolay ni Jehova si Jesus tapenu mabbalin tu Patul ta Pammaguray na Dios. Nepakannammu 11:15

Egga si Jesus ta tronona ta langi nga pammagurayanna i totolay ta paraiso nga davvun

Niyawa ni Jesus i inango na tapenu matavvu i totolay. (Mateo 20:28) Megafu taw, iniddan na ittam na Dios tu iddanama nga mattolay tu mannanayun.

Pinili ni Jehova si Jesus nga Patul tu mammaguray ta interu nga davvun. Kavulu na i 144,000 nga matalo nga totolay nga mapaginnolay tapenu mabbalin tu espiritu. Si Jesus anna i 144,000 i mavvukal ta matunung nga gobiernu ta langi—i Pammaguray onu Pappatulan na Dios.—Nepakannammu 14:1-3.

I Pappatulan na Dios i mamabbalin tu paraiso ta davvun. Awang ngana noka tu gerra, krimen onu bisin. Kuruga nga magayayya ngana i totolay.—Salmo 145:16.