LEKSION 8

Kunnasi Assinnummi nu Makistudy Kami?

Yama anna i anana nga lalaki nga massinnun nga pang-study — Iceland

Yena anna anana nga babay nga magganngua para ta study — Mexico

Saksi ira ni Jehova ta Guinea-Bissau nga nabbisti tu mapia — Guinea-Bissau

Familia ta Pilipinas nga lumakag nga mappange ta study — Pilipinas

Napansin mu kari ta litratu nu kunnasi assinnung anna itsura na Saksi ni Jehova nu umay ira makistudy? Ngatta disente kami nga makistudy?

Mangipasingan tu respeto ta Dios. Ari nga pisikal nga itsura i innan na Dios. (1 Samuel 16:7) Ngem nu maddayarayaw kami, ikayami gapa nga ipasingan i respetomi ta Dios anna ta wawwagimi. Nu imbitan ittam na patul onu presidente ta balena, siguradu nga massinnuttam tu makasta anna disente bilang pangirespeto ta posisionna. Ta kunnari gapa, si Jehova i “Patul na nasa-nasion,” yari tu mawag nga disente assinnuttam tapenu mepasingan i pangirespetutam sa anna ta lugar nga paddayarayawattam.—Jeremias 10:7.

Egga tuttulammi nga prinsipio. Ipagaram na Biblia ta Cristiano ira tu massinnung ira nga “gukaban na maimmo anna mapia nga appanopanono.” (1 Timoteo 2:9, 10) I passinnung nga “maimmo” kebalinanna tu ibita i massinnung tu abababba, atatazzi onu makatenta. I “mapia nga appanopanono” uffunanna gapa ittam nga mappili tu mepangngo nga sinnung. Aru mabba paga i mas makasta nga pappilian. I makasta anna disente nga itsurami “ipasinganna i pia na tuttuddu nga meyannung ta Mamaliag nittam” anna “madayarayaw i Dios.” (Tito 2:10; 1 Pedro 2:12). Nu makasta assinnung anna itsuratam nu makistudy, mepasingattam ta tanakuan nu kunnasi mepangngo nga pagimamma ta paddayarayaw kani Jehova.

Maski nu awan tu formal nga sinnummu, ari ka mappasiran magatende ta Kingdom Hall. Ari gapa mawag tu bagu i sinnummu. I importante ay mepangngo, marenu anna presentable.

Kunnasi kaimportante na assinnummi nu makistudy kami?
Anni ira nga prinsipio i mangigiya nikami ta assinnung anna itsurami?