Mappakalinno Anna Ammuan i Limitasiommu Kagitta ni Cristo

Maski nu si Jesus i katannangan nga nattolay ta davvun, mapakalinno yayya anna ammuna i limitasionna gukaban na pangidayaw kani Jehova. (Jn 7:16-18) Ngem si Satanas ay nabbalin tu Diablo, nga kebalinanna ay “Mamaraparake.” (Jn 8:44) Kaparehu na ugali ni Satanas i Fariseo ira, tinagibaddida i sinni laman nga mangurug ta Mesias megafu ta kinapakatannangda. (Jn 7:45-49) Kunnasi tam maparigan si Jesus nu makalawà ittam tu pribilehio onu annungan ta kongregasion?

GIRAWAN I VIDEO NGA ‘EGGA NAKUAN NIKAMU I PAKKA-AYA-AYA’​—IBITA I PASSIL ANNA PAPPARAYAG, PART 1, KABALINNA, PAGURUVOVUGAN I TUMUNUG:

• 

  Kunnasi nga nappakatannang si Alex?

GIRAWAN I VIDEO NGA ‘EGGA NAKUAN NIKAMU I PAKKA-AYA-AYA’—IBITA I PASSIL ANNA PAPPARAYAG, PART 2, KABALINNA, PAGURUVOVUGAN I TUMUNUG:

• 

  Kunnasi nga nappakalinno si Alex?

  Kunnasi nga pinagaram ni Alex da Bill anni Carl?

GIRAWAN I VIDEO NGA ‘EGGA NAKUAN NIKAMU I PAKKA-AYA-AYA’—LISIAN I PAPPAKATANNANG ANNA ARI MEPANGNGO NGA PAGGUYU, PART 1, KABALINNA, PAGURUVOVUGAN I TUMUNUG:

• 

  Kunnasi nga nipasingan ni Brother Harris nga arianna ammu i limitasionna?

GIRAWAN I VIDEO NGA ‘EGGA NAKUAN NIKAMU I PAKKA-AYA-AYA’—LISIAN I PAPPAKATANNANG ANNA ARI MEPANGNGO NGA PAGGUYU, PART 2, KABALINNA, PAGURUVOVUGAN I TUMUNUG:

• 

  Kunnasi nga nipasingan ni Brother Harris nga ammuna i limitasionna?

  Anni i nituddu na ehemplo ni Brother Harris kani Faye?