LEKSION 5

Fustu nga Pabbibbig

1 Timoteo 4:13

SUMARIO: Bibbigan tu masikan i mismu nga nakatura.

Mapprepara tu mapia. Nonopan nu ngatta netura yatun. Ensayuan nga bibbigan i grupo ira na uvovug, ari laman tu sinaggi-tadday nga uvovug. Ariammu ammungan, talebaran, onu talianan i uvovug ira. Tuttulan i ngamin nga punctuation mark.

Ipaginnam ta tadday nga kofun i pabbibbig mu anna sifutanna i anni laman nga uvovug nga ari tu fustu i pinavvuyà mu.
Vuyatan tu fustu i kada uvovug. Nu ariammu ammu i kevuyà na tadday nga uvovug, magginna ka ta audio recording na publikasion, onu mappoffun ta malalaki nga mabbibbig.
Maguvovug tu manawag. Fustu nakuan i pangivuyà mu, ariammu makkummag anna ivuka mu tu mapia i simu mu. Ikaguman nga ivuyà tu manawag i kada uvovug.

Ariammu sossobran i pavvuyà mu nga mabbalin tu ari ngana natural i pabbibbig mu.