“Tattadday Laman i Lengguahe na Totolay ta Davvun”

11:1-4, 6-9

Ta Babel, pinawwawara ni Jehova i totolay nga matagga i uluda gukaban na pagguluna ta lengguaheda. Ta maddaggun, pattaraddayanna i magaru nga totolay nga naggafu ta madduma-ruma nga nasion anna paguvovug. Niddanna gapa ira tu “marenu nga lengguahe” tapenu awayyada i “magagal ta ngagan ni Jehova, anna mattaradday nga maddayaw sa.” (Zef 3:9; Nep 7:9) Yaw nga “marenu nga lengguahe” i kinakurug meyannung kani Jehova anna ta gakkagna ira nga mabibbig ta Biblia.

I paggigiammu tu bagu nga lengguahe ay ari laman tu pakkabisadu ta bagu ira nga uvovug. Mawag nga magigiammu tam nga ulian i appana-panono tam. Kunnatun gapa, ta paggigiammu tam ta marenu nga lengguahe na kinakurug, manguli i appana-panono tam. (Ro 12:2) Tulu-tuloy yaw nga proseso nga mamattaradday ta totolay na Dios.​—1Co 1:10.