LEKSION 1

Efektibo nga Introduksion

Kingngua 17:22

SUMARIO: Kuan tu makapa-interes i introduksion, kagian i topiko, anna ipasingan nu ngatta mawag tu mammuan yatun na maggigginna.

Kuan tu makapa-interes. Mappili tu pakkiavu, napakurug nga ekspiriensa, balita, onu maski anni nga paginteresan na maggigginna.

Dati ngana pannonopammu tu mapia i paginteresan anna pakavurungan ira na maggigginna anna ibagay mu tatun i introduksiommu.
Kagian i topiko. Siguraduan nga manawag ta introduksiommu i topiko anna gakkag na presentasiommu anna manawag yatun ta maggigginna.
Ipasingan nu ngatta importante i topiko. Ibagay i kagiammu ta praktikal ira nga pakawagan na maggigginna. Mantindiadda nakuan tu mapia nu kunnasi nga makoffun nira i topiko.

Ta pappreparam tu palappa, iyavu mu ta baggim, ‘Anni ira i situasion na wawwaragi ta kongregasiokku?’ Kabalinna, ibagay i introduksiommu ta pakawagadda.