LEKSION 15

Kumbinsidu ta Paguvovug

1 Tesalonica 1:5

SUMARIO: Ipasingan nga talaga kurugammu i kakkagiammu anna importante yatun.

Mapprepara tu mapia. Gigiammuan i material tapenu malippawa mu i pinakapunto ira anna nu kunnasi nga pakurugan yatun na Biblia. Ikagim i pinakapunto ira ta ababba anna simple ira nga uvovug. Maffokus nu kunnasi makoffun yatun ta maggigginna. Ipakimallo i masanto nga espiritu.

Ensayuammu tu masikan i presentasiommu tapenu makabisadum anna mapakastam i pangikagim.
Mangusa tu uvovug ira nga mangipatageno nga kumbinsidu ka. Imbes tu kagiammu i mismu nga egga ta material, ikagim yatun ta sarilim nga uvovug. Mangusa tu termino ira nga mangipatageno nga siguradu ka ta kakkagiammu.
Maguvovug nga serioso anna napafutuan. Maguvovug nga eksakto i sikanna. Nu mepangngo, makissingakka ta maggigginna.

Kumbinsidu ka nakuan ta kakkagiammu ngem arianna kebalinan nga ari ka ngana mataktika, saradu nono mu, onu mangipapilit ka. Maski nu serioso ka, meddu ka nakuan ta pakiyuvovug mu ta maggigginna.