Eŋkpɔ Nōo Ceenyi Nɛhi A—Anyɛ Jahɔ A? Anyɛ I Jahɔ Ŋ Ma?

Ɛyinɛhi ku ācɛ eko ku Unowa ya ɔdobɔbi. Ohútu 6:5

Adam mɛmla Iifu lɛ ayi ma, anɔɔ ācɛ kwu lɛwa ipu ɛcɛ a. Igbihaajɛ aalelekwu otɛhɔ ōhī gā ba Usetan iyē gbɔɔ o yikpɛyi olɔfu.

É gā ipu ɛcɛ gáā lɛ ɔkpiye lɛ bɛɛka alɛɛcɛ a, o ya ɛɛ kéē lɛ ɔnyā lɛ. Ayi nɛ anya uwa ma a wɛ aogbagwu nōo bɔbiipu klla lɔfu nɛhi.

Ɛcɛ a gáā kwu mu mla ācɛ o ya ɔdobɔbi. Ubáyíbu ka “ɛjɛ̄ɛ̄jī ācɛ nēe bá ipú ɛcɛ ā bɔ̄bíipú . . . ɛlá nēé gē gbo a bɔ̄bí eko dóódu.”

Unowa jahɔ ta Ɔwɔico anɔɔ ó lɛ ɔwu gwo á. Ohútu 6:13, 14, 18, 19, 22

Unowa wɛ ɔcɛ olɔhi. Ujehofa da Unowa ka Anuɔ géē je ācɛ obɔbiipu a yiifi mɛmla eŋkpɔ o ceenyi nɛhi.

Ɔwɔico klla da Unowa kóō lɛ ugbeenyi nɛhi néē hi ka ɔwu a gwo, cɛɛ kóō lɛ apɔlɛ ku nu mla ɛdɔ ku aɛbɛ doodu kpo gā ipu nu.

Unowa pi ācɛ ahɔ̄ lɛyikwu eŋkpɔ o ceenyi nōo gáā wa a, amáŋ e jahɔ ŋ. Ōhī ku uwa yɛhɛ tu Unowa; ācɛ ɔhá wɔtu nu.

Eko néē lɛ ɔwu a gwo mɛ a, Unowa lɛ aɛbɛ a kpo gā ipu nu.