AYA 9

Eko Nyá Nɛ Uparadais Gáā Wa A?

Unwalu ku ɛcɛ yɔ i mafu ka Ajɔɔcɛ ku Ɔwɔico i gboji o wa gɛ ŋ. Ulúku 21:10, 11; 2 Utímōti 3:1-5

Unwalu nōo kpɔ eko nɛ ɛcɛ gáā mɛ nyā—⁠anya ō ta, ɛfu o kpo, ōcē, ɔdole i gáā kpɔ ŋ , ācɛ i gáā lɛ ojilima ce adā mɛmla ɛ́nɛ́ ŋ, unu o nu ɔlɛ

Ubáyíbu tɛtɛ lɛ ɔdā alɛwa nōo yɔ i ya icɛ a ka taajɛ. Ó kahinii, ācɛ géē ya unwu ije, ācɛ i gáā lɛ ojilima ce adā mɛmla ɛ́nɛ́ ŋ, ācɛ o yikpɛla eko doodu, mɛmla ācɛ o yihɔtu ku abahi.

Ajɛ o jiliye nɛɛnɛhi klla hɛ wulu, ɛfú o kpo, ɔkpɛta, mla ōcē obɔbi ō tu kla ɛbɛɛbɛ géē yɔ. Babanya, aɔdā nōo ba nyā yɔ i ya kpɛɛm.

Ɔcɛ Ocijali ku Ujehofa éyi yɔ i tɔɔna ku ɔkoolɔhi lɛ adā éyi

Ujisɔsi klla kahinii: É géē tɔɔna ku ɔkoolɔhi ku ajɔɔcɛ a gā oduudu ɛcɛ.—Umátiyu 24:14.

Ajɔɔcɛ a géē ya ku ɛjɛɛji ɔbiipu kóō mɛ. 2 Upíta 3:13

Ācɛ obɔbiipu a géē je yiifi ipu ɛfu ku Amagɛdɔn, cɛɛ e lɛ Usetan mla aalelekwu obɔbi ku nu ya itala

Ó gboji gɛ ŋ Ujehofa géē je oduudu ācɛ obɔbiipu a yiifi.

É géē ya Usetan mla aalelekwu obɔbi ku nu itala.

Ujisɔsi cɔcɛ ɔkpanco, oduudu ācɛ ku ɛcɛ yɔ i gweeye

Ācɛ nōo jahɔ ta Ɔwɔico a, géē wi gā ipu ɛcɛ ɛyipɛ, ɛga nɛ ufi i gáā yɔ gɛ ŋ. Ɛcɛ ɛyipɛ a wɛ ɛga nɛ ācɛ géē yihɔtu klla kpɔtuce iyi uwa.