Ō Ya Lɔhi Fiyɛ Ipu Uklɔ ku Ɔna o Ta Ku Alɔ—Ō Nwu Ācɛ nɛ Alɔ Gē ya Oklɔcɛ mla Uwa a kéē Ya Otutu

ƆDĀ NŌO YA NŌÓ CƐGBÁ A: Eko nɛ ācɛ nɛ alɔ gē klɔcɛ mla uwa a lɛ otutu ya, o géē ta uwa ɔtɛ kéē jé ɛyi ɛlā nɛ alɔ yɔ i nwu uwa a kéē klla blakwu ɔ. Ɛgɛ nɛ ɛlā ta uwa eyī peee nwune lɛ néē klla blakwu ɔ a, ɛgɔɔma néē gáā jɛ gɔbu fiya fiya lɛ a. Ɔdaŋ kéē kóō lɛ ubatisim ya naana, e cika o bēē tutu ku ōjila mla uklɔ ku ɔna o ta kpɔ, o ya ɛɛ kéē “leyī kwɛɛcɛ.” (Umt 25:13) Ohigbu ɔɔma, ō nwu ɛgɛ néē gē klɔcɛ klla yɔ i le eko taajɛ gē ya oklɔcɛ abɔyi uwa eko doodu géē cɛ lɛ uwa lɛ itene ipu oyeeyi ku uwa piyoo. Ɔcɛ duuma nɛ alɔ gbɔɔ oklɔcɛ mla ɔ boobu, alɔ ta uwa abɔ ku otutu o ya gbɔbu lɛ oklɔcɛ kóō kwu piya uce o ya ku uwa.

ƐGƐ NƐ A GÉĒ YA Ɔ A:

• 

  Wɛ ocabɔ mafu olɔhi. (Uró 2:21) Bi ɔcɛ nɛ a i klɔcɛ mla ɔ a ipu ɔtu eko nɛ a yɔ i ya otutu ku oklɔcɛ ku nu. (km 11/15 3) Lɛ ɛgɛ nɛ a lɛ ɔgba pi ohi ipu ɔkpá ku uwɔ eko nɛ a yɔ i ya otutu a mafu lɛ ɔ

• 

  Tu ɔ ɔtu kwu ɔtu kóō ya otutu. Ɔcɛ duuma nɛ a gbɔɔ o yoklɔcɛ mla ɔ, cɛ lɛ ɔcɛ ɔɔma le jé ka otutu o ya abɔyi nu wɛ aya ku Ubáyíbu oklɔcɛ duu, ku a klla da ɔ itene nōo yɔ anu a. Ta ɔ abɔ ku o má ɛgɛ nɛ o géē le eko taajɛ ŋma ɔdā alɛwa nōó i ya a, o ya ɛɛ ku o ya otutu. Eko néē yɔ i klɔcɛ, aitica ōhī gē je ɔkpá ku uwa néē lɛ ɔgba pi ohi ipu nu a lɛ ɔcɛ néē yɔ i klɔcɛ mla ɔ a o ya ɛɛ kóō má itene nōo yɔ ipu otutu o ya a. Ta ɔ ahinya lɔɔlɔhi eko duuma nɛ o lɛ otutu ya

• Lɛ ɔwɛ nɛ o i ya otutu a mafu lɛ ɔ. Aitica ōhī gē bi ɛpleeko aflɛyi néē gē klɔcɛ a le mafu lɛ ɔcɛ nɛ o i klɔcɛ mla ɔ a, ɔwɛ nɛ o géē ya otutu ku ikpɛyi ɛlā a