Ocabɔ Mafu Ku Uleta

• Bi ulayi ku ɛga nɛ a lā a le yuklɔ. Ɔdaŋ ku a le má ku ó gáā wɛ ɔdā ijeeyi ō bi ulayi ku ɛga nɛ a lā a le yuklɔ ŋ, a lɔfu bi inamba ku ɛga nɛ Agbla ku Ajɔɔcɛ kwu a le yuklɔ ɔdaŋ ku anyakwɔcɛ ku ujɔ ku uwɔ cɛ. A HII JAMA JAMA bi ɛga nɛ ubranch office kwu a le yuklɔ ŋ.

• Lɛ iye ku ɔcɛ ɔɔma ta ɔdaŋ ku a jé iye nu. Ɛnyā géē ya ku ācɛ kóō jé ka ó wɛ ɔ́hí nɛ alɔ yɔ i ta a ŋ.

• Lɛ eko taajɛ ku a lɛ ɛlā ku uwɔ ta lɔɔlɔhi ɔwɛ nɛ ɔcɛ gē ta ɔkpá a. Uleta ku uwɔ kóō lɛ peee, kóō hii blinyi ŋ. Ɔdaŋ ku abɔ nɛ a bi le ta ɔ a, ó cika ō tɔɔtɛ ō jé. A hii ta ɔkpá a bɛɛka a yɔ i kɛla lɛ ɛgɔ uwɔ a ŋ, amāŋ bɛɛka a yɔ i ta ɔkpá gā ɛgiyi uklɔ nɛhi éyi a ŋ.

Ocabɔ ku uleta nyā géē mafu ɔdā nɛ alɔ cika ō ya. Uleta nōo yɔ amanya i wɛ ku alɔ géē ta ɔ lɛ a yili eko duuma nɛ alɔ gáā ta uleta gē lɛ ācɛ nōo yɔ ɛga nɛ alɔ gē tɔɔna a nóó. Ya ku uleta ku uwɔ kóō kɛla lɛyikwu ɔdā nōo ya nɛ a yɔ i ta uleta a mla ɛgɛ nɛ ācɛ abɔɔ gē ya odee lɛ a.