“Odúúdú Ācɛ Kú Ɛcɛ Lɛ Ucē Ékpónú”

11:1-4, 6-9

Ipu éwo ku Ubabɛlu, Ujehofa lɛ ācɛ nōo ya ikpɛyi olɔfu tu ɔ a pahila, ŋma lɛ ō lɛ uce néē gē ka a gbaji. Icɛ, Ujehofa yɔ i ta ɛwa nɛhi ku ācɛ nɛ ɔcɛ i gbaaluka gla ŋ ma tɔha, klla gē je “ucē nōo le yēŋēē,” nɛ oduudu uwa géē “bī lɛ gbɔ̄ɔkɔ lɛ anúɔ ōfōōfū anúɔ . . . Ó keé géē lɛyítáajɛ lɛ anúɔ ŋmá ɔtū ékpónú.” (Usɛf. 3:9; Mafú. 7:9) “Ucē nōo le yēŋēē” nyā, wɛ ɔkwɛyi lɛyikwu Ujehofa mla ɔdā nōo wɛ ococɛ ku nu, nɛ alɔ má ŋma ipu Ubáyíbu a.

Ɔdaŋ ku alɔ dɔka ō nwu uce ɛyipɛ, ó wɛ ō lɛ ɔdā ɛyipɛ ipu uce a kpo tu ɛyi foofunu ŋ. Ó cɛgbá ku ɔcɛ kóō nwu ɔwɛ ɛyipɛ nɛ ó géē le gbɛla. Ɛgɔɔma duu, eko nɛ alɔ i nwu uce nōo le yeŋee nōo wɛ ɔkwɛyi lɛyikwu Ujehofa a, ɔtu ku alɔ géē je piyabɔ. (Uróm 12:2) Abɔ alɔ yɔ i ya ɛnyā a, ó géē ya ku alɔ piyatɔha mla ayinɛ alɔ.—1 Ukɔ́r. 1:10.