Ɔdi Nɛ A Lɔfu Nwu Ŋma Ipu Aɛnɛɛnɛ Ijé A?

Ɛnyá nɛ a dɔka fiyɛ duu ipu aɛnɛɛnɛ ijé (original songs) a? Ɔdi kē ya a? A géē má ku aya ɛyɛɛyɛyi ku auvidio a lɛ abɔ kwu ɔdā ō ya ku ɛ̄cī doodu ku alɔ. Abɔ aijé a lɛ ikpɛyi ɛlā mla ɔwɛ ɛyɛɛyɛyi néē bi le gwo ɔ a, ɔdaŋ ka ijé éyi i lɛ abɔ kwu uwɔ ɔtu ŋ, ɔhá géē lɛ abɔ kwu uwɔ ɔtu piii. Naana a, aɛnɛɛnɛ ijé mla uvidio ku aijé a lɛ ɛnɛɛnɛ ɛlā nɛ alɔ nwu gla, ó wɛ ō le jɔɔnyɛ iyi alɔ foofunu ŋ.

Eyeeye ku aɛnɛɛnɛ ijé a nwu ɛnɛɛnɛ ɛlā, nɛ alɔ géē le yuklɔ ipu oyeeyi ku alɔ Ācɛ O Yɛce Ukraist, mla uklɔ ku ɔna o ta ku alɔ. Ōhī ku aijé nyā gbolo ce ō mafu ogbonɛnɛ, ō piyatɔha, ɛnɛɛnɛ ɔya o ya, ɔtu o lɛ, ihɔtu o ya amāŋ ɔtu okpoce. O lɛ aɔhá nōo kē nwu ɛgɛ nɛ alɔ géē cigbihi gā ɛgiyi Ujehofa, ɛgɛ nɛ alɔ géē je yɛhi, ō mahayi kpaakpa ɛ̄cī doodu, amāŋ ō dɔka ɔwɛ ɛyɛɛyɛyi ɔhá, nɛ alɔ géē bi le gba Ujehofa ɛ̄gbā. Ó kóō lɛ ɛnɛɛnɛ ijé lɛyikwu ɛgɛ nɛ alɔ géē bi ɔdā ō le gwo uwaya ku alɔ, le yuklɔ ɔwɛ okpaakpa. Ɛnɛɛnɛ ɛlā ɔhá nyá nɛ a má ŋma ipu aɛnɛɛnɛ ijé a?

AA LƐ UVIDIO KU ƐNƐƐNƐ IJÉ NYĀ MÁ NŌO KAHINII: JUST AROUND THE CORNER, CƐƐ KU AA LƐ AƆKA NŌO BA NYĀ CILA:

• Ɔhā ku ɛcɔbu nyá nɛ ɔba mla ɔnyā nōo hila ɔɔmā yɔ i gbɛla lɛyikwu ɔ a?—Ohút. 12:3

• Alɔ kpɔtuce ku aokonu o ce ku Ɔwɔico géē ya jila, amáŋ ɛgɛnyá nɛ alɔ lɔfu ya ku ɔtu okpoce ɔɔma kóō lɔfu tōōtɔ̄ɔ̄ a?

• Opiyatɔha nyá nɛ alɔ gáā jɔɔnyɛ nu nōo le ba ajaajɛ ɛɛ ma?

• Ɛgɛnyá nɛ eyiyoce ku Ajɔɔcɛ a, géē ta alɔ abɔ o lɔtu ipu unwalu nɛ alɔ yɔ i má icɛ a?—Uróm 8:25