Ɔdi Wɛ Ɔdā Nōo Cɛgbá Gā Um Fiyɛ Duu A?

Ujekɔpu nuunu mla aalelekwu otɛhɔ ohigbu odee nōo cɛgbá nɛhi, anu kē wɛ ɔhā ku Ujehofa a. (Ohút. 32:24-31; Uhos. 12:3, 4) Alɔ a kē bɛ? Alɔ yɔ i ceyitikwu ō lɛyitaajɛ lɛ Ujehofa mla ɛjɛɛji ɔfu ku alɔ ō ya ɛɛ ka alɔ miyɛ ɔhā ŋma ɛgiyi nu? Ocabɔ mafu, ɔdaŋ kóō cɛgbá ku alɔ je ŋma ipu ō gā ōjila ku ujɔ, amāŋ ō yuklɔ awa ɔhá fiyɛ ɛgɛ nɛ alɔ tɛtɛ gē ya gbɔbu a, ɛnyá nɛ alɔ gáā je a? Ɔdaŋ ku alɔ bi ɛjɛɛji eko, ɔfu mla agbenu ku alɔ le gba Ujehofa ɛ̄gbā, ó géē ce ‘ɛhi mɛ́mla ɔhā kú nu klá alɔ cabácabá.’ (Umál. 3:10) Ujehofa géē gbo alɔ klla géē ya ɛgbá ku alɔ lɛ alɔ.—Umát. 6:33; Uhíb. 13:5.

LƐ UVIDIO NŌO KAHINII LƐ ƐLÁ KU UWƆ KWU AƆDĀ NƐ A MIYA Ō YA IPU Ɛ̄GBĀ Ō GBA KU UJEHOFA A MA, CƐƐ KU AA LƐ AƆKA NŌO BA NYĀ CILA:

• 

  Ɛgɛnyá nɛ ɔyinɛ alɔ nɔnya a má ojama lɛyikwu ɔdā nōó yihɔtu ku nu a?

• 

  Ɛgɛnyá nɛ uklɔ nɛ alɔ gē ya a lɔfu wɛ ojama lɛ alɔ a?

• 

  Ɔdiya nɛ Utimoti cɛgbá ō ya ōmiya lɛyikwu ɔdā ō ya ipu ɛlā Ɔwɔico, naana nɛ ó kwu piya ɔcɛ ojikoko ipu ɛlā Ɔwɔico ɛɛ ma?—1 Utím. 4:16

• 

  Ɛgɛnyá nɛ alɔ gáā mafu “uklɔ nōo wɛ aflɛyi” ipu oyeeyi ku alɔ a?