Hayi Kpaakpa Abɔ Oŋmɛyi Ku Ɛcɛ Nyā Le Ba Ɛ Ma

ƆDĀ NŌO YA NŌÓ CƐGBÁ A: Ó gáā gboji gɛ ŋ, aɔdā ōhī géē ya nōo géē cɛgbá ku alɔ mafu otu okpoce mla ɔtu ō lɛ lɛ Ujehofa ɔwɛ nɛ alɔ i kóō ya jeeje ɛ ŋ. Eko ku owe nɛhi a géē gbɔɔ mla ocataajɛ ku icɔɔci ɛkɛmgbɛ. (Umát. 24:21; Mafú. 17:16, 17) Ɛpleeko nɛ āhɔ̄ géē kwiye nɛhi nyā, alɔ géē cɛgbá ɔtu ō lɛ, o ya ɛɛ ku alɔ tɔɔna lɛyikwu ɛpɔ ō ka nōo géē lɛ abɔ kwu oduudu ācɛ iyē. (Mafú. 16:21) Ugɔgu ku Umagogu géē ya ācɛ ɔlɛ Ɔwɔico ŋmo. (Isík. 38:10-12, 14-16) Ujehofa géē bi “ɛfú nēé gáā kpó ɛ̄cī nɛ̄ Ɔwɔicō nōo lɔfú fíyɛ́ dúú gē kɛpɔ̄ tū ācɛ ā” le hɛ ācɛ ɔlɛ nu ta. (Mafú. 16:14, 16) O ya ɛɛ ku alɔ hayi kpaakpa lɛyikwu aɔdā nōo géē ya ɛcɔbu a, alɔ cɛgbá ō hayi kpaakpa ipu ojama duuma nɛ alɔ yɔ i má babanya.

ƐGƐ NƐ A GÉĒ YA Ɔ A:

• Mla ɔtu ō lɛ bēē lā oyeeyi ɔwɛ nōo cɛtɔha mla ɔwɛ okpaakpa ku Ujehofa.—Ayis. 5:20

• Bēē gba Ujehofa ɛgba mla Ācɛ O Yɛcɛ Ukraist ɔmpa uwɔ.—Uhíb. 10:24, 25

• Yɛce ukɔ́ nɛ ɔwa ku Ujehofa yɔ i tu a. —Uhíb. 13:17

• Gbɛla lɛyikwu ɔwɛ ɛgɛ nɛ Ujehofa hɛ ācɛ ɔlɛ nu ta ikee a.— 2 Upít. 2:9

• Gbɔɔkɔ lɛ Ujehofa ku a klla lɛ ɔtuce ɔ. —Aíjē 112:7, 8

LƐ UVIDIO NYĀ MAFU NŌO KAHINII: AƆDĀ NŌO GÉĒ YA ƐCƆBU NŌO YA NƐ ALƆ CƐGBÁ ƆTU Ō LƐ—AYA O KPII, CƐƐ AA LƐ ƆKA NŌO BA NYĀ CILA:

• 

  Ojama nyá lɛyikwu ɛyi o tu waajɛ nɛ ācɛ o tɔɔna Ɛlā Ɔwɔico ipu ujɔ éyi má eko néē lɛ ujɔ ku uwa piyatɔha mla ujɔ ɔhá a?

• 

  Ɛgɛnyá nɛ ɔtu ō lɛ mla ɛyi o tu waajɛ tɛɛma kwu iyi uwa a?

• 

  Ɔdiya nɛ alɔ géē cɛgbá ɔtu ō lɛ eko ku Amagɛdɔn a?

• 

  Ɔka ku Ubáyíbu nyá gáā ta alɔ ɔtu kwu ɔtu, ku ɔtu nɛ alɔ kpoce ku Ujehofa géē nya alɔ ta a kóō lɔfu tōōtɔ̄ɔ̄ a?—2 Úklɔ́ 20:1-24