Ō Ya Lɔhi Fiyɛ Ipu Uklɔ Ku Ɔna O ta Ku alɔ—Ō Tɔɔna Lɛ Ɔcɛ Nōo Yɔ Ipu Inu Amāŋ Ɔcɛ Nɛ Ó Nwula Ɔwɛ Ŋ

ƆDIYA NŌÓ CƐGBÁ A: Abɔ odee yɔ i piyabɔ nɛ ɛcɛ nyā kē yɔ i nwuleyi tōōtɔ̄ɔ̄ a, ācɛ alɛwa i gē dɔka ō nwula ɔwɛ ku ɔlɛ uwa lɛ augbɔga gɛ ŋ ohigbu ɔdobɔbi nōo yɔ i ya ipu ɛcɛ a. Ohigbu ɛnyā, é gē dɔka ō kɛla lɛ ɔcɛ ŋma ipu inu. Alɔ lɔfu yɔ i yuufi ō tɔɔna lɛ ɔcɛ nɛ alɔ i má eyī ŋ, amáŋ ɔcɛ a kē yɔ i má alɔ. Aɛlā nōo yɔ ɛhaajɛ nyā géē tu alɔ abɔ tɔɔna mla ɔtu ō lɛ lɛ ɔcɛ nōo yɔ ipu inu nɛ alɔ i gē má eyī ŋ.

ƐGƐ NƐ A GÉĒ YƆ A:

• Bi aɛlā olɔhi ipu ɔtu. Ondu ɔlɛ alɛwa gē dɔka ō kɛla mɛmla alɔ ŋma ipu inu

• Alɔ bla ka eko duuma nɛ alɔ gā iyɔbu ɔlɛ duuma, ondu ɔlɛ a lɔfu yɔ i jahɔ amāŋ yɔ i má alɔ boobu nɛ alɔ wa iyɔbu ɔlɛ nu a

• Eko duuma nɛ ondu ɔlɛ ta alɔ ohi ŋma ipu inu, alɔ kɛla lɛ ɔ bɛɛka alɔ yɔ i má ɔ eyī a. Bi ɛhɛ kwu okonu ku a klla ya iyē ɔwɛ nɛ a gē ya a. Ɛlā nɛ a bi ɔtu ō ka ɔdaŋ ku a géē yɛ i lɛ ɔcɛ a má eyī a, nɛ a gáā ka kpɔ a. A hii tubla ɔwɛ a ajaajɛ fiyɛ ɔfu ŋ. Ɔdaŋ ka ondu ɔlɛ i toohi ŋ, a hii lɛ olɛhɔ duuma taajɛ ŋ

• Igbihi nɛ aa lɛ ɔna ta lɛ ondu ɔlɛ a, leyi kwɛɛcɛ ku ɔdā nɛ aa yɔ i kɛla lɛyikwu ɔ abɔ aa hayi iyɔbu ɔlɛ nu a, ohigbu ku ondu ɔlɛ a lɔfu yɔ i má aa amāŋ yɔ i po ɛlā nɛ aa yɔ i ka a