Le Miya Ō Tɔɔna Lɛ Ɛjɛɛji Ācɛ

Ɛgɛ nɛ Ujehofa ta ācɛ Isrɛlu ba eko ikee a, ó gē ta ācɛ ɔlɛ nu ba icɛ kpɔ o ya ɛɛ kéē yuklɔ nɛ ó je lɛ uwa a. Ipu oduudu ɛcɛ, abɔ ku ɛga ō yuklɔ ku alɔ, usɛkut, ujɔ mla ígwu nōo gē tɔɔna ɛyɛɛyɛyi gē yuklɔ tɔha o ya ɛɛ kéē yuklɔ ku ɔna ō ta. Alɔ gē tɔɔna lɛ ɛjɛɛji ācɛ, kwu ācɛ nōo gē ka uce ɔhá duu.—Mafú. 14:6, 7.

A gbɛla lɛyikwu ō ya ōmiya ku ɛgɛ nɛ a géē nwu uce ɔhá o ya ɛɛ ku a ta ācɛ ɔhá abɔ wa i lɛ ɔkwɛyi a jé? Ɔdaŋ nɛ a kóō lɛ eko ō nwu uce ɔhá ŋ, a lɔfu bi JW Language app le nwu ɛgɛ nɛ a géē tɔɔna ɔwɛ nōo tɔɔtɛ. Igbihi nɛ a bi ɔ le yuklɔ ipu uklɔ ku ɔna ō ta a, a lɔfu lɛ ɛdɔ eeye ekponu nɛ Ācɛ O Yɛce Ukraist ku eko aflɛyi a lɛ eko nɛ ācɛ ipu ajɛ ɔhá yɔ i hidaago abɔ “é bá ī kɔ̄ɔ̄kā kú úklɔ́ idáagó nɛ̄ Ɔwɔicō yá ā” ipu uce ku ɔlɛ uwa.—Ācot. 2:7-11.

LƐ UVIDIO NYĀ MAFU NŌO KAHINII: KWU PIYA ƆYA KU UJEHOFA​—Ō TƆƆNA IPU UCE ƆHÁ, CƐƐ AA LƐ ƆKA NŌO BA NYĀ CILA:

• 

  Eko nyá nɛ JW Language app lɔfu ta uwɔ abɔ a?

• 

  Ɔdi wɛ aɔdā ōhī nōo yɔ ipu nu a?

• 

  Uce nyá nɛ ācɛ nōo lā ɔwɛ ɛga nɛ a gē tɔɔna a gē ka a?

• Ɔdi nɛ a cika ō ya ɔdaŋ ka ɔcɛ nōo gē ka uce ɔhá mafu ka ɔkoolɔhi ku Ajɔɔcɛ a he ɔ ɔtu a?​—od 100-101 ¶39-41