A Géē Yuklɔ Ku Ɔcɛ Ō Gbɔbu Ɔna Ō Ta Ŋma Eko Ta Eko Ipu Ɔya Ɔmɛta Amāŋ Ɔmɛnɛ?

A géē dɔka ō yuklɔ nwune fiyɛ lɛ Ujehofa ɛpleeko ku Oblatu a? (2 Ukɔ́r. 5:​14, 15) Ɛpleeko ku Ɔya Ɔmɛta mla Ɔmɛnɛ a, ācɛ ō gbɔbu ɔna ō ta ŋma eko ta eko lɔfu le miya ō yuklɔ ipu uklɔ ku ɔna ō ta awa 30- amāŋ 50-a. Ɔdaŋ kóō tɔɔtɛ gā uwɔ ō wɛ ipu ɛnɛɛnɛ uklɔ nyā, lɛ abɔ ta ɔkpá ku a kwu lɛ Ígwu Nōo Gē Leyi Kwu Uklɔ O Ya Ipu Ujɔ. Ɔya doodu, é géē hi iye ku ācɛ néē cɛ kéē wɛ ācɛ ō gbɔbu ɔna ō ta ŋma eko ta eko a tɛɛcɛ ipu ujɔ. O bu ipu ɔwɛ ɛgɛnyā a, ācɛ ɔhá nōo yɔ ipu ujɔ a géē jé lɛyikwu ācɛ a, cɛɛ kéē ta uwa abɔ ipu uklɔ ku ɔna ō ta o ya ɛɛ kéē lɛ awa ku uwa ya jila. Oduudu alɔ kóō bi ɛga nōo yɔ ɛpleeko ku Oblatu nyā le yuklɔ lɔɔlɔhi, o ya ɛɛ ku alɔ jɛ gico ipu ɔwɛ nɛ alɔ gē bi le tɔɔna a klla ta ɔmpa alɔ ɔtu kwu ɔtu.​—1 Utes. 5:11.