Ō NWU ƐGƐ NƐ ALƆ GÉĒ YUKLƆ KU ƆNA O TA | YA KU EEYE KU UWƆ KÓŌ NWUNE TŌŌTƆ̄Ɔ̄ IPU UKLƆ KU ƆNA Ō TA
Bi Ɔtu Caca Le Nwu Ɛlā
Ō kɛla mla ɔtu caca gē lɛ abɔ kwu ācɛ ɔhá iyē. Ɔdaŋ ku alɔ gē kɛla mla ɔtu caca, ācɛ géē jahɔ tu ɛlā nɛ alɔ gē ka a lɔɔlɔhi fiyɛ. Ó klla mafu ku ɛlā nɛ alɔ gē ka a jɛ alɔ eyī. Ɛdɔ ucolu amāŋ uce ō ya duuma nɛ alɔ lɛ naana, alɔ lɔfu kɛla mla ɔtu caca gla. (Uróm 12:11) Ɛgɛnyá?
Aflɛyi, gbɛla lɛyikwu ɛgɛ nɛ ɛlā nɛ a gáā ka a cɛgbá lɛ a. A lɛ ɛga ō ‘ka ɔkoolɔhi ku ɔdolɔhi nɛhi lɛ ācɛ!’ (Uróm 10:15) Ɔmpa, gbɛla lɛyikwu ɛgɛ nɛ ɔkoolɔhi nɛ a yɔ i ka a gē lɛ abɔ kwu ācɛ nōo yɔ i jahɔ gā uwɔ a ɔwɛ olɔhi a. É cɛgbá ō po ɛlā nɛ a dɔka ō ka a lɔɔlɔhi. (Uróm 10:13, 14) Amoomɛ, kɛla mla ɔtu caca ŋma lɛ ō ya abɔ mla iyē ku uwɔ ɔwɛ nōo cika a.
LƐ UVIDIO NYĀ MAFU NŌO KAHINII: JƆƆNYƐ UKLƆ Ō LƐ ĀCƐ PIYA AYIKPO KU UKRAIST—Ō YA LƆHI FIYƐ—BI ƆTU CACA LE NWU ƐLĀ, CƐƐ AA LƐ ƆKA NŌO BA NYĀ CILA:
Ɔdiya nɛ ɔtu caca nɛ Ɛnɛ lɛ ō klɔcɛ mla Ɛbɛhi a waajɛ a?
Ɔdi ta Ɛnɛ abɔ kóō lɛ ɔtu caca lɛ oklocɛ mla Ɛbɛhi kpɔ a?
Ō kɛla mla ɔtu caca gē lɛ abɔ kwu ācɛ ɔhá iyē
Ɔdiya nɛ alɔ cika ō yɔ i leyi kwu auce olɔhi ku ācɛ nōo yɔ i jahɔ tu alɔ a?
Ɛgɛnyá nɛ ō kɛla mla ɔtu caca lɔfu lɛ abɔ kwu ācɛ nɛ alɔ gē klɔcɛ mla uwa a mla ācɛ ɔhá a?