Mafu Eyinyinyi

Eyinyinyi wɛ ō jɛyi ku ɛlá ō gbo ku ācɛ ɔhá, ɛgɛ nɛ ɔtu gē ya uwa lɛ a, aɔdā nōo cɛgbá lɛ uwa mla ɛgbá ku uwa. Ācɛ ɔhá gē jé eko duuma nɛ alɔ gē mafu eyinyinyi lɛ uwa. Ɔdaŋ ku alɔ kéē dɔka ō ta ācɛ ɔhá abɔ ɔkwɔɔkwɛyi, ó géē ta alɔ abɔ mafu eyinyinyi lɛ uwa. Eko duuma nɛ alɔ mafu eyinyinyi ipu uklɔ ku ɔna ō ta ku alɔ, alɔ yɔ i gbla Ujehofa ya ipu ɔwɛ nɛ ó gē mafu ihɔtu klla teyi kwu ācɛ a. Ɛnyā gē ta ācɛ abɔ kéē gā jé Ujehofa.​—Ufíl. 2:4.

Ō mafu eyinyinyi i wɛ ɔwɛ nɛ alɔ gē bi le nwu ācɛ ɛlā anca ŋ. Alɔ gē mafu eyinyinyi ŋma lɛ ō jahɔ lɔɔlɔhi ɔwɛ ogbonɛnɛ, alɔ klla gē mafu eyinyinyi ŋma lɛ ɛgɛ nɛ alɔ gē kɛla, ipu uce ō ya ku alɔ, ɔwɛ nɛ alɔ gē ya ɔkpiye mla ikpeyi ku alɔ. Alɔ gē mafu eyinyinyi ŋma lɛ ō lɛ ɛlá wu ɔcɛ ɔhá ɔkwɔɔkwɛyi. Alɔ gē lɛ ɛlá wu aɔdā nōo he ɔ ɔtu, aɔdā nɛ ó kpɔtuce mla āhɔ̄ ɛyɛɛyɛyi nōo yɛ jila ɔ ta a. Alɔ gē je otabɔ lɛ ɔ ɔwɛ duuma nɛ alɔ ya gla, amáŋ alɔ i gē kwu ɔ abɔfu kóō ya opiyabɔ ŋ. Eko duuma nɛ ācɛ nɛ alɔ gē tɔɔna lɛ uwa a miyɛ otabɔ nɛ alɔ gē je lɛ uwa a, ó gē cɛ lɛ alɔ gweeye fiyɛ.

LƐ UVIDIO NYĀ MAFU NŌO KAHINII: JƆƆNYƐ UKLƆ Ō LƐ ĀCƐ PIYA AYIKPO KU UKRAIST​—Ō YA LƆHI FIYƐ​—MAFU EYINYINYI, CƐƐ AA LƐ ƆKA NŌO BA NYĀ CILA:

• 

  Ɛgɛnyá nɛ Ɛnɛ mafu eyinyinyi eko nɛ Ɛbɛhi wa igbihi eko a?

• 

  Ɛgɛnyá nɛ Ɛnɛ mafu eyinyinyi eko nɛ Ɛbɛhi da ɔ kóō gáā tɔɔtɛ lɛ ɔ ō ya oklɔcɛ ku nu ŋ ma?

• 

  Ɛgɛnyá nɛ Ɛnɛ mafu eyinyinyi eko nɛ Ɛbɛhi ka anuɔ i gē gwo odee ku anuɔ tu lɔhi ŋ ma?