Ɛlā Ō Nwu Ku Uwɔ Kóō Lɛ Abɔ Kwu Ɔtu

Ɛyi ō le taajɛ lɛ Ɔwɔico gē wa ŋma ɔtu. (Aíit. 3:1) Ohigbu ɛnyā a, eko nɛ alɔ yɔ i nwu ɔkpá, alɔ cika ō ceyitikwu lɛ abɔ kwu ācɛ nōo yɔ i jahɔ lɛ alɔ a ɔtu. Ɛgɛnyá?

A hii nwu ɔcɛ nɛ a gē klɔcɛ mla ɔ a ɔkwɛyi ku Ubáyíbu anca ŋ, amáŋ ta ɔ abɔ kóō má ɛgɛ nɛ ɛlā a lɛ abɔ kwu oyeeyi mla ɛma ku nu mla Ujehofa. Ta ɔ abɔ kóō má ɛgɛ nɛ aukɔ́ ku Ubáyíbu gē mafu ihɔtu, ɔdā olɔhi mla ɔwɛ okpaakpa ō bi le ya odee ku Ɔwɔico a. Mla ɔwɛ ku ijeeyi, da ɔ ɔka ɔwɛ ogbonɛnɛ ku a má ɛgɛ nɛ ɔtu gē ya ɔ lɛyikwu ɔdā nɛ ó yɔ i nwu a. Ta ɔ abɔ kóō gbɛla lɛyikwu ɛgɛ nɛ oyeeyi ku nu géē lɔhi fiyɛ ɔdaŋ kóō le piyabɔ ŋma uce obɔbi ō ya. Eko nɛ a má ɛgɛ nɛ ɔcɛ nɛ a gē klɔcɛ mla ɔ a yihɔtu Ujehofa ɔkwɔɔkwɛyi ŋma ipu ɔtu, eeye ku uwɔ géē nwune tōōtɔ̄ɔ̄.

LƐ UVIDIO NYĀ MAFU NŌO KAHINII: JƆƆNYƐ UKLƆ Ō LƐ ĀCƐ PIYA AYIKPO KU UKRAIST​—Ō YA LƆHI FIYƐ​—ƐLĀ Ō NWU KU UWƆ KÓŌ LƐ ABƆ KWU ƆTU, CƐƐ AA LƐ ƆKA NŌO BA NYĀ CILA:

• 

  Ɔdiya nɛ Ɛnɛ da Ɛbɛhi ɔka kahinii: “A blakwu ɔdā nɛ alɔ klɔcɛ gáā yɛ a?”

• 

  Ɛgɛnyá nɛ Ɛnɛ ta Ɛbɛhi abɔ kóō má ka aukɔ́ ku Ubáyíbu yɔ i mafu ihɔtu ku Ujehofa lɛ ɔ a?

• 

  Ɛgɛnyá nɛ Ɛnɛ ta Ɛbɛhi abɔ kóō gbɛla lɛyikwu ɛgɛ nɛ ó géē mafu lɛ Ɔwɔico kóō yihɔtu nu a?