AGBENU NŌO YƆ IPU ƐLĀ ƆWƆICO

Yɛce Ujehofa Mla Ɛjɛɛji ɔtu Ku Uwɔ

Ukalɛbu yɛce Ujehofa mla ɛjɛɛji ɔtu ku nu ŋma ajaajɛ ipu oyeeyi ku nu (Ujós. 14:7, 8)

Ukalɛbu klla kpɔtuce Ujehofa igbihaajɛ kpɔ kóō ta ɔ abɔ lɛ uklɔ olɔnɔ éyi ya kwɛyi (Ujós. 14:10-12; w04 12/1 12 ¶2)

Ukalɛbu miyɛ ule ku uklɔ nɛ ó ya lɛ Ujehofa mla ɛjɛɛji ɔtu ku nu a (Ujós. 14:13, 14; w06 10/1 18 ¶11)

Aya: Ɔyinɛ nɔnya nōo hayi kpaakpa yɔ i nya mla āhɔ̄ ɛyɛɛyɛyi nōo gē wa ohigbu ka ɔcɛ kwu hila okplici. 1. Ó lɛ abɔ bi ɔkpa yaajɛ yɔ i gbɔɔkɔ. 2. Ó yɔ i yuklɔ ku ɔna ō ta ɛga nɛ ācɛ gē ba mla ɔyinɛ nɔnya ɔhá nōo wɛ ɛdrɔ. 3. Ó yɔ i mafu ifoto lɛ ayipɛ nɛ̄ŋcɛ́ ŋma ujɔ ku nu. 4. Ó bi ɛhɛ kwu okonu mla eyiyoce olɔfu.

Ɔtu okpoce ku Ukalɛbu le lɔfu iyē abɔ ó yɔ i yɛce aukɔ́ ku Ujehofa a, ó klla miyɛ ɔhā ku nu duu. Alɔ gē lɔfu iyē ō yɔ i gba Ujehofa ɛ̄gbā gɔbu eko duuma nɛ alɔ miyɛ ohi ku ɔkɔ ō gba ku alɔ klla má ogbotu ku Ujehofa ɔwɛ ɛyɛɛyɛyi ɔhá.—1 Ujɔ́n. 5:14, 15.