Lɛ Ɔtuce Ku A Géē Yale Ɔdaŋ Ku A Yɔ I Má Unwalu Ku Ije Naana

Oyeeyi ɛpleeko nɛ ɛcɛ gáā mɛ nyā lɛ unwalu alɛwa. Abɔ alɔ kē yɔ i wa oŋmɛyi ku ɛcɛ nyā tōōtɔ̄ɔ̄ a, ó lɛ aafu ŋ, unwalu géē yɔ i nwune tōōtɔ̄ɔ̄. Ekoohi, alɔ i gáā lɔfu lɛ aɔdā nɛ alɔ cɛgbá nu a ŋ. (Uháb. 3:16-18) Ɔdi gáā ta alɔ abɔ lɛ ɔtuce ku alɔ géē yale ɔdaŋ ku alɔ yɔ i má unwalu ku ije a? Alɔ cika ō gɔbu yɔ i lɛ ɔtuce Ɔwɔico ku alɔ Ujehofa. Ó cokonu ku anuɔ géē teyi tu ācɛ nōo gē gba ɔ ɛ̄gbā a. Ó klla lɔfu ō je ɔdā duuma nɛ alɔ cɛgbá nu a lɛ alɔ ipu āhɔ̄ duuma gla.—Aíjē 37:18, 19; Uhíb. 13:5, 6.

Ɔdā nɛ a lɔfu ya:

• Ba Ujehofa kóō gbo uwɔ, kóō je ijeeyi gā uwɔ kóō klla ta uwɔ abɔ.—Aíjē 62:8

• Cɛ ō miyɛ uklɔ nɛ á kóō lɔfu ya jeejee ŋ ma.—g 1/10 8-9, aikpati

• Gɔbu ku a yɔ i gba Ujehofa ɛ̄gbā ŋma lɛ ō yɔ i jé Ubáyíbu ɛ̄cī doodu, ō yɔ i gā ōjila ku ujɔ mla ō yɔ i yuklɔ ku ɔna ō ta

LƐ UVIDIO NYĀ MAFU NŌO KAHINII: LƐ APƆLƐ OLƆFU KWAAJƐ —“ƆDĀ NƐ LƐ A KÓŌ JƐ UWƆ EYĪ” CƐƐ AA LƐ ƆKA NŌO BA NYĀ CILA:

• Unwalu nyá nɛ apɔlɛ ōhī má ɛ ma?

• Ɔdi wɛ ɔdā nōo cɛgbá fiyɛ duu ipu oyeeyi a?

• Ɛgɛnyá nɛ alɔ lɔfu je otabɔ lɛ ācɛ nōo yɔ i lɛ unwalu ku ije a?