A Lɔfu Ya Ku Apɔlɛ Ku Uwɔ Kóō Lɛ Eeye Tōōtɔ̄ɔ̄

Ujehofa dɔka ku apɔlɛ kéē gweeye. (Aíjē 127:3-5; Ɔ̄cok. 9:9; 11:9) Naana, eeye nɛ alɔ lɛ a lɔfu hɛ alɔ abɔ ohigbu unwalu ku ɛcɛ nyā mla inyileyi ku ācɛ apɔlɛ ku alɔ. Ɔdi nɛ eyeeye ku apɔlɛ a lɔfu ya o ya ɛɛ kéē yɔ i lɛ eeye tōōtɔ̄ɔ̄ a?

Ɔba géē ya ɛlā mla ɔnyā nu ɛmɛɛma. (1 Upít. 3:7) Ó géē lɛ eko taajɛ yɔ mla ɔ. Ó gáā leyice ku ɔnyā nu kóō ya ɔdā nōo fiyɛ ɔ ɔfu ŋ, ó klla géē mafu ka ɔdā nɛ ɔnyā nu yɔ i ya lɛ ɔ mla apɔlɛ a jɛ ɔ eyī nɛhi. (Ukól. 3:15) Ó géē mafu ihɔtu lɛ ɔ klla cɛtra ɔ.— Aíit. 31:28, 31.

Ɔnyā gē dɔka ɔwɛ nɛ ó géē je otabɔ lɛ ɔba nu. (Aíit. 31:12) Ó gē cɛtɔha mla ɔba nu klla gē lɛyitaajɛ lɛ ɔ. (Ukól. 3:18) Ó gē kɛla lɛ ɔ klla gē kɛla lɛyikwu ɔ ɔwɛ ogbonɛnɛ.—Aíit. 31:26.

Adā mla ɛ́nɛ́ gē lɛ eko taajɛ yɔ mla ayipɛ ɔlɛ uwa. (Obla. 6:6, 7) É gē da ayipɛ ɔlɛ uwa kéē yihɔtu uwa. (Umát. 3:17) Eko néē gē ya uwa itala, é gē ya ɔ ipu ihɔtu mla ɔwɛ ijeeyi.— Āfi. 6:4.

Ayipɛ gē lɛ ojilima ce adā mla ɛ́nɛ́ uwa klla gē lɛyitaajɛ lɛ uwa. (Aíit. 23:22) É gē cɛ lɛ adā mla ɛ́nɛ́ uwa jé ɛlá ō gbo mla ɛgɛ nɛ ɔtu gē ya uwa a. É gē miyɛ itala ŋma ɛgiyi adā mla ɛ́nɛ́ uwa klla gē mafu ojilima lɛ uwa.—Aíit. 19:20.

LƐ UVIDIO NYĀ MAFU NŌO KAHINII: YA KU EEYE KÓŌ YƆ APƆLƐ KU UWƆ, CƐƐ AA LƐ ƆKA NYĀ CILA:

• Ɔdi nɛ eyeeye ku ācɛ a ya o ya ɛɛ ku apɔlɛ ku uwa kóō lɛ eeye a?